Хуманитарна акција „Од дете – за дете“

Во нашето училиште често се спроведуваат хуманитарни акции. Овој пат, акцијата „Од дете – за дете“ беше иницирана од учениците од VIII одделение од подрачното училиште во с. Старо Лагово. Тие, поттикнати од желбата да ѝ помогнат на својата соученичка, самоиницијативно се организираа и во соработка со жителите од с.Беровци собраа парични средства со кои купија храна, средства за лична хигиена и хигиена на домот. Донацијата лично ја однесоа во домот на социјално загрозеното семејство. Задоволни и среќни што успеале барем малку да ѝ го олеснат и развеселат животот на својата другарка. Учениците планираат, во наредниот период, иста ваква хуманитарна акција да спроведат и со жителите од с.Ново Лагово.